काठमाडौ – काठमाडौमा २८ सहित नेपालमा थप ११८ जना कोरोना भाइरसका संक्रमित थपिएका छन् । योसँगै नेपालमा कोरोना संक्रमितको संख्या १६ हजार ६ सय ४९ पुगेको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमकाअनुसार नेपालमा आइसोलेसनमा ८ हजार ६ सय ३ जना संक्रमित रहेको जानकारी दिए ।
त्यस्तै क्वारेन्टाइनमा रहनेहरुको संख्या २ हजार ९ सय १० जना रहेको प्रवक्ता गौतमले जानकारी दिए ।
पछिल्लो २४ घण्टामा १ सय २० जना र आज सम्म ८ हजार ११ संक्रमणमुक्त भएर डिस्चार्ज भएको प्रवक्ता गौतमले बताए ।
विगत २४ घण्टामा ४ हजार ८ सय ६ जनाको पिसिआर परीक्षण भएको छ ।