काठमाडौं : राष्ट्रिय परीक्षा बोर्डले माध्यमिक शिक्षा परीक्षा (एसईई) २०७९ को नतिजा सार्वजनिक गरेको छ।
बिहीबार प्रकाशित नतिजाअनुसार ए प्लस जीपीए ल्याउने विद्यार्थीको संख्या २२ हजार ४ सय ७५ रहेको छ । यो एसईईमा सहभागी कुल विद्यार्थी संख्याको चार दशमलव ६३ प्रतिशत हो ।
यस्तै ए जीपीए ल्याउने विद्यार्थीको संख्या ५५ हजार ६९ रहेको छ । यो एसईईमा सहभागी कुल विद्यार्थी संख्याको ११ दशमलव ३६ प्रतिशत हो ।
गएको चैत १७ गतेदेखि भएको परीक्षामा चार लाख ८५ हजार तीन सय ९६ जना विद्यार्थी सहभागी थिए ।
