काठमाडौं : सत्तारुढ प्रमुख घटक नेपाली कांग्रेसले निर्वाचन आयोगद्वारा प्रस्तावित निर्वाचनसम्बन्धी विधेयकको बारेमा छलफल शुरु गरेको छ ।
मंगलबार दिउँसो पार्टी केन्द्रीय कार्यालय सानेपामा बसेको पदाधिकारी बैठकमा उम्मेदवारी दर्ता हुनेदेखि मतगणनाका लागि गरिने व्यवस्थाहरुलाई समावेश गरेर निर्वाचन आयोगले प्रस्ताव गरेको विधेयकका विषयमा छलफल भएको हो ।
बैठकमा पार्टीको भ्रातृ संस्थाको विधानमा एक रुपता ल्याउने विषयमा पनि कुरा भएको नेताहरुले जानकारी दिएका छन् ।
पार्टीको अब बस्ने केन्द्रीय समिति बैठकमा त्यसलाई पारित गराउने गरी पदाधिकारी बैठकमा छलफल गरिएको नेताहरुले बताएका छन् ।
नेपाली कांग्रेसले तत्कालीन केन्द्रीय सदस्य एनपी साउदको नेतृत्वमा गठित कार्यदललाई भ्रातृ संस्थाहरुको विधानमा एकरुपता ल्याउने जिम्मेवारी दिएको थियो ।
त्यसैलाई केन्द्रीय समितिबाट पारित गराउनुपर्ने भएकाले छलफल गरिएको सहमहामन्त्री विश्वकर्माकोे भनाइ थियो ।