काठमाडौं : राष्ट्रपति विद्यादेवी भण्डारीले दाइ डेकेन्द्र पाण्डेलाई भाइटीका लगाइदिएकी छन् । उनले शनिबार राष्ट्रपति निवास, शितल निवासमा उत्तम साइत बिहान ११ बजेर २ मिनेटमा भाइटीका लगाइदिएकी हुन् ।
यस्तै राष्ट्रपति भण्डारीले दाइ डेकेन्द्रको हातबाट भाइटीका ग्रहण गरेको राष्ट्रपतिको कार्यालयले जानकारी दिएको छ ।
दिदीबहिनीले आफ्ना दाजुभाइलाई श्रद्धा, आस्था र निष्ठाका साथ दीर्घायु, आरोग्य र ऐश्वर्य प्राप्तिको कामना गर्दै टीका लगाइदिन्छन् ।
प्रत्येक वर्ष कार्तिक शुक्ल द्वितीयाका दिन भाइटीका लगाउने प्रचलन छ ।
