काठमाडौं : पूर्वप्रधानमन्त्री तथा नेकपा एमालेका नेता झलनाथ खनालको मिर्गौला प्रत्यारोपण गरिएको छ ।
भारतको राजधानी नयाँदिल्लीस्थित अपोलो अस्पतालमा उपचाररत् नेता खनालको डा. अखिल मिश्रको नेतृत्वको चिकित्सक टोलीले सफलतापूर्वक मिर्गौला प्रत्यारोपण गरेको उनको निजी सचिवालयले जनाएको छ ।
खनाल केही दिन दिल्लीमै आराम गरेर स्वदेश फर्किनेछन् ।
खनाललाई उपचारका लागि गत असार २ गते दिल्ली लगिएको थियो ।