काठमाडौँ । भुटानी राजा जिग्मे खेसार नाम्ग्याल वाङ्चुक शुक्रवार काठमाडौँ आएका छन् । शुक्रवार बिहान भारतबाट काठमाडौँ ओर्लिएका नाम्ग्यालले बौद्ध स्तुपाको अवलोकन गरेका छन् ।
झन्डै एक घण्टा त्यस क्षेत्रमा बिताएका उनले पूजाआजा पनि गरेका थिए । निजी भ्रमणको सिलसिलामा नेपाल आएका उनले यसअघि स्वयम्भूनाथको अवलोकन गरेका थिए ।
उनी त्रिभुवन अन्तर्राष्ट्रिय विमानस्थल हुँदै आज नै स्वदेश फर्कने कार्यक्रम रहेको छ । नेपालमा रहँदा उनले कसैसँग औपचारिक भेटघाटको कार्यक्रम नरहेको सुरक्षा स्रोतले जनाएको छ ।
