काठमाडौं \ प्रतिनिधिसभाको बैठक शुक्रबार पनि बस्दैछ । सङ्घीय संसद भवन बानेश्वरमा बिहान ११: ०० बजे बस्ने बैठकमा बैठकमा आगामी आर्थिक वर्षको राजश्व र व्ययको वार्षिक अनुमानमाथि सैद्धान्तिक छलफल जारी रहने छ।
बजेटमाथिको छलफल गत सोमबारबाट सुरू भएको हो । अर्थमन्त्री डा. प्रकाशशरण महतले पेस गरेको बजेट माथि पछिल्ला दिनमा निरन्तर छलफल चलिरहेको छ ।
त्यस्तै, शुक्रबारको बैठकमा प्रधानमन्त्री दाहालले महालेखापरीक्षकको ६० औं वार्षिक प्रतिवेदन २०७९ पेश गर्ने कार्यसूची रहेको संसद सचिवालयले जनाएको छ ।
