काठमाडौं : राष्ट्रिय स्वतन्त्र पार्टी (रास्वपा)ले नक्कली भुटानी शरणार्थी प्रकरणमा संसदीय विशेष समिति बनाएर छानबिन गर्न माग गरेको छ ।
प्रतिनिधि सभाको बुधबारको बैठकको शुरुमै समय लिएर बोल्दै रास्वपाका सभापति रवि लामिछानले नक्कली शरणार्थी प्रकरणमा संसदीय विशेष समिति बनाएर छानबिन गर्न माग गरेका हुन् ।
उनले दिनदहाडै उज्यालोमा, प्रधानमन्त्री कार्यालयमा, मन्त्री क्वाटरमा र सिंहदरबारमा लेनदेन भएको भन्दै यसकाे संसदीय समिति गठन गरेर छानबिन गर्नुपर्ने बताए ।
सभापति लामिछानेले अहिले आरोप लाग्न बाँकी कुनै राजनीतिक दल बाँकी नरहेकाले कसैलाई विश्वास गर्ने वातावरण नभएको बताए । साथै उनले यस प्रकरणमा नाम मुछिएकालाई सोधपुछ गर्न पनि सरकार डराएको आरोप लगाए ।
