काठमाडौं : सत्ता गठबन्धनमा आवद्ध दलले आज चुनावी भागबण्डाका विषयमा पार्टीभित्र आन्तरिक छलफल गर्ने भएका छन् ।
पार्टीहरु बैठकपछि कार्यदल तथा शीर्ष नेताको बैठकबाट सिट बाँडफाँट टुंगो लगाउने सहमति गठबन्धनको छ ।
प्रधानमन्त्रीको निवास बालुवाटारमा बिहीबार ११ घण्टासम्म गठबन्धन बैठक भएपनि निस्कर्ष निस्कन सकेको थिएन ।
एक सय सिट दाबी गरेको कांग्रेस ९० सिटसम्म लचक देखिएको छ ।
अन्य दलले भने प्रतिनिधि सभाका १ सय ६५ मध्ये आधा कांग्रेस र बाँकी अन्य दलविच बाँडफाँट हुनुपर्ने बताउदै आएका छन् ।
प्रतिनिधि सभाका एक सय ६५ र प्रदेश सभाका तीन सय ३० क्षेत्रबारे एक–एक गरेर त्यहाँ कुन दलले कति मत ल्याएको छ भनेर गठबन्धन कार्यदलले अध्ययन प्रतिवेदन तयार पारेको छ ।
