काठमाडौं : नेकपा एमालेका नेता लालबाबु पण्डितले पार्टीको केन्द्रीय सदस्य पद अस्वीकार गरेका छन् ।
अध्यक्ष केपी ओलीले हिजो प्रस्ताव गरेका ३ सय १ केन्द्रीय सदस्यको सूचीमा उनको नाम थियो ।
पण्डित एमालेको उपाध्यक्ष पदका आकांक्षी थिए । तर, सो पदमा ओलीले नसमेटेपछि उनी असन्तुष्ट बनेका हुन् ।
पण्डितले सामाजिक सञ्जालमा पनि आफू पार्टीको कार्यकारी पदमा नरहेको घोषणा गरेका छन् ।
उनले सोमबारदेखि सम्पूर्ण कार्यकारी पदबाट बिदा लिएको बताउँदै दशौं महाधिवेशनबाट विजयीहरूलाई शुभकामना समेत दिएका छन् ।
