काठमाडौं : नेपाली कांग्रेसकी सांसद आरजु राणा देउवाले नक्कली भुटानी शरणार्थी प्रकरणमा आफ्नो चरित्रमाथि बलात्कार भएको टिप्पणी गरेकी छन् ।
प्रतिनिधिसभामा विशेष समय लिएर बोल्दै उनले नक्कली भुटानी शरणार्थी प्रकरणमा आफ्नो नाम जोडेर फेक अडियो बनाएर बदनाम गरिएको बताइन् ।
फेक अडियो अरुको पनि बनेको र नाम आफ्नो मात्र उच्चारण किन भइरहेको छ ? भनी प्रश्न गर्दै उनले यो चरित्र हत्यामात्र नभई चरित्रमाथि नै बलात्कार भएको बताइन् ।
उक्त अडियोको सत्य तथ्य तत्काल सार्वजनिक हुनुपर्ने उनले बताइन् । उनले शरणार्थी प्रकरणको अन्तिम निष्कर्ष चाँडो आएको हेर्न आफू आतुर रहेको पनि बताइन् ।
