काठमाडौं : नेकपा एकीकृत समाजवादीको पोलिटब्युरो बैठकले सरकारको विषयमा आवश्यक निर्णय गर्ने जिम्मा केन्द्रीय सचिवालयलाई दिएको छ ।
आज काठमाडौंमा सम्पन्न बैठकले सरकारलाई समर्थन गर्ने वा विरोध गर्ने भन्ने सम्पूर्ण निर्णय गर्ने अधिकार केन्द्रीय सचिवालयलाई दिएको हो ।
सरकारमा सहभागिताबारे थप अध्ययन गर्नुपर्ने र सरकारको नीति तथा कार्यक्रम पनि हेर्नुपर्ने भएकाले आवश्यक निर्णय गर्ने अधिकार सचिवालयलाई दिइएको बैठकपछि नेताहरुले बताए ।
यसअघि स्थायी समिति बैठक सरकारको विषयमा निर्णयमा पुग्न नसकेपछि पोलिटब्यूरो बैठक बोलाइएको थियो ।
बामपन्थीहरुबीच एकता र सहकार्य गर्नका लागि आवश्यक गृहकार्य गर्ने जिम्मेबारी पनि बैठकले सचिवालयलाई नै दिएको छ ।
बैठकले अर्थतन्त्रमा देखिएको संकट समाधानका लागि ठोस कदम चाल्न पार्टीले सरकारको ध्यानाकर्षण गराएको छ ।
समाजवादीले तत्काल उखुको समर्थन मूल्य तोक्न र मिटरव्याजीहरुलाई कारवाही गर्न पनि माग गरेको छ ।
