काठमाडौं : सरकार गठनबारे प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहालबीच आज छलफल हुने भएको छ ।
शुक्रबार भएको छलफल निष्कर्षविहीन बने पछि आज पुनः छलफल हुन लागेको हो ।
दुबै नेताले प्रधानमन्त्रीको दाबी नछाडेपछि शुक्रबार साँझ बालुवाटारमा भएको छलफलमा सहमति हुन सकेको थिएन ।
दाहालले आफूलाई पहिलो चरणमा प्रधामन्त्री बनाउनुपर्ने अडान राख्दै आएका छन् ।
तर आफ्नै आकांक्षा र पार्टीको दबाबका कारण देउवा दाहालको प्रस्ताव स्वीकार गर्न तयार छैनन् । नयाँ सरकार गठनका लागि राष्ट्रपतिले दिएको समय आइतबार सकिँदै छ ।