काठमाडौं : सत्तारूढ गठबन्धनभित्र प्रतिनिधिसभाको सिट भागबण्डामा सहमति भएको छ ।
जनता समाजवादी पार्टी (जसपा) बाहिरिएपछि आएको लोकतान्त्रिक समाजवादी पार्टी (लोसपा) लाई ८ देखि १० सिट दिने गरी भागबण्डा गरिएको हो ।
प्रतिनिधि सभाको १ सय ६५ मध्ये १ सय ६१ सिटको भागबण्डा मिलेको र यो सूचीमा आज शनिवारसम्म तल–माथि हुन सक्ने नेताहरूले बताएका छन् ।
प्रधानमन्त्री निवास बालुवाटारमा हिजो शुक्रवार अबेरसम्म बसेको गठबन्धनको बैठकले कांग्रेसलाई ८४, नेकपा माओवादी केन्द्रलाई ४७, एकीकृत समाजवादीलाई २० र राष्ट्रिय जनमोर्चालाई दुई स्थान दिने गरी बाँडफाँट भएको छ ।
१३ सिटमा लोसपासँग थप छलफल गरेर टुङ्ग्याउने जिम्मा कांग्रेसलाई दिइएको छ । शनिबार सहमति पत्रमा हस्ताक्षर गर्ने गठबन्धनको तयारी छ ।
कुन क्षेत्र कसलाई ?
