काठमाडौं : नेकपा एमालेले मंसिर ४ गते सम्पन्न हुने प्रतिनिधिसभा र प्रदेशसभा निर्वाचन तयारी तथा सञ्चालनका लागि केन्द्रीय निर्वाचन परिचालन कमिटी गठन गरेको छ ।
केन्द्रीय सचिवालयको आज बसेको बैठकले अध्यक्ष केपी शर्मा ओलीको संयोजकत्वमा केन्द्रीय निर्वाचन परिचालन कमिटी गठन गरेको हो ।
परिचालन कमिटीमा केन्द्रीय कमिटीका सबै सदस्य तथा केन्द्रीय निकाय र आयोगका पदाधिकारी रहने छन् ।
त्यस्तै बैठकले वरिष्ठ उपाध्यक्ष ईश्वर पोखरेलको संयाजकत्वमा ८ सदस्सीय घोषणापत्र मस्यौदा समिति पनि गठन गरेको छ । गठबन्धन गरेर जानेबारे एमालेले नसोचेको बैठकपछि प्रवक्ता पृथ्वीसुब्बा गुरुङले बताए ।
समितिको सदस्यमा उपाध्यक्षहरू रामबहादुर थापा ‘बादल’, अष्टलक्ष्मी शाक्य, विष्णु पौडेल, सुरेन्द्र पाण्डे, महासचिव शंकर पोखरेल, उपमहासचिव प्रदीप ज्ञवाली र विष्णु रिमाल छन् ।
निर्वाचन तयारीका लागि एमालेले भदौ ७ गते स्थायी कमिटी, ९ गते पोटिलब्यूरो र १० र ११ गते केन्द्रीय समिति बैठक बोलाउने निर्णय पनि गरेको छ ।
