भारतमा समस्यामा रहेका नेपालीका लागि एनआरएनएद्वारा हटलाइन सेवा शुरु

काठमाडौँ : गैरआवासीय नेपाली संघले भारतमा रहेका नेपालीहरुको सहयोगार्थ हटलाइन (टेलिफोन) सेवा शुरु गरेको छ।

गैरआवासीय नेपाली संघ अन्तर्गतको स्वास्थ्य समितिका संयोजक डा. संजिव सापकोटाका अनुसार भारतमा तीव्र रुपमा बढ्दै गएको कोभिड-१९ को प्रकोपबाट ठूलो संख्यामा नेपालीहरु पनि  प्रभावित भएकाले स्वास्थ्य सेवा दिने उद्देश्यले संघले सो सेवाको सुरुवात गरेको हो।

कोरोना भाइरस सम्बन्धी कुनै समस्या भए भारतमा रहेका नेपालीहरुले फोन, टेक्स्ट, भाइवर, ह्वाट्सएप, इमेल मार्फत त्यहाँ रहेका चिकित्सकहरुसंग सिधै सम्पर्क राख्न सक्ने संघले जनाएको छ। हटलाइनमार्फत नेपालीहरुले अतिआवश्यक बाहेकका सेवाहरु लिन सक्ने छन्।

सो सेवा संचालन गर्नको लागि डा. अरुण पौडेल (नयाँ दिल्ली), डा. अविरल निधी (नयाँ दिल्ली), डा. सागर पौडेल (नयाँ दिल्ली), प्रभावत अधिकारी (नेपाल) रहेको चिकित्सकहरुको टोली खटिएको हो।

कोरोना भाइरसको संक्रमणका  कारण हालसम्म भारतमा ६१ जना नेपालीको ज्यान गएको छ भने तीन हजारभन्दा बढी नेपालीमा कोरोना संक्रमण देखिएको छ।