दिनमा कति कप कफी पिउनु उपयुक्त ?

काठमाण्डौं – जाडो महिनामा तातो–तातो कफी पिउनुको मज्जै बेग्ला हुन्छ। अझ कतिपय व्यक्तिहरु त कफीको सौखिन नै हुन्छन् । विशेष गरी युवाहरुमा यसको क्रेज बढी देखिन्छ। एउटा हातले चुरोट च्यापेर हातमा कफीको चुस्की लगाउनुको मज्जै छुट्टै हुन्छ।

तर कफी धेरै मान पर्छ भन्दैमा धेरै कफी पिउन नहुने विज्ञहरुले बताएका छन् । विज्ञका अनुसार एक दिनमा चार कप भन्दा धेरै कफी पिउनु हुँदैन।

धेरै कफी पिउँदा निन्द्रामा समस्या देखिने उनीहरुको बुझाई छ। कफी धेरै पिउनाले निद्रामा समस्या आनुका साथै मानसिक तथा शारीरिक समस्या पनि बढाउन सक्ने विज्ञहरुले बताएका छन् ।

कफीले मानिसलाई डर पैदा गर्ने र मुटुको धड्कन रोक्ने सम्भावना बढाइदिने काम गर्छ।

विभिन्न अध्ययन अनुसन्धानका अनुसार कफी धेरै पिउदा स्वास्थ्यका लागि खतरा हुने बताएका छन् । धेरै जसो कफी पारखीलाई कस्तो कफीमा कति कफिनको मात्रा हुन्छ, थाहा हुँदैन।

उनीहरुले कति कति कफिन लिइरहेका छन् भन्ने कुराको पत्तो हुँदैन। यसरी थाहै नपाइ कफी पिउँदा उनीहरुले आवश्यकता भन्दा बढी कफिन खाइरहेका हुन्छन् ।

कफिनको अत्यधिक सेवनले गर्भपतनको सम्भावना बढी हुने हुँदा गर्भवती महिलाले दिनमा दुई कपभन्दा बढी कफी सेवन गर्न नहुने विज्ञहरुले सुझाव दिएका छन् ।

चिकित्सकका अनुसार धेरै कफीको प्रयोग गर्नले जन्मिने शिशुको वजन कम हुनुका साथै शारीरिक तथा मानसिक अपाङ्गता हुन सक्ने सम्भावना धेरै हुन्छ।