काठमाडौं : आज प्रतिनिधिसभामा उपसभामुख चयनका लागि निर्वाचन हुँदै छ । आज दिउँसो १ बजे बस्ने प्रतिनिधिसभा बैठकमा उपसभामुख पदको निर्वाचन हुने कार्यसूची रहेको छ ।

उपसभामुखमा सत्ता गठबन्धनका तर्फबाट राष्ट्रिय स्वतन्त्र पार्टी (रास्वपा)की इन्दिरा राना र सत्ता गठबन्धन बाहिरका दलको तर्फबाट नेपाली कांग्रेसकी सांसद मुक्ताकुमारी यादवको उमेदवारी दर्ता भएको छ ।

उपसभामुखमा रानाको प्रस्तावकमा रास्वपाकी सांसद शोविता गौतम छिन् । समर्थकमा राष्ट्रिय प्रजातन्त्र पार्टीका अध्यक्ष राजेन्द्र लिङ्देन, नेकपा एमालेका कृष्णगोपाल श्रेठ र माओवादी केन्द्रकी नारायणी शर्मा छन् ।

यादवको प्रस्तावकमा नेपाली कांग्रेसका सहमहामन्त्रीसमेत रहेका बद्री पाण्डे छन् । समर्थकमा लोसपाका सर्वेन्द्रनाथ शुक्ल, नेकपा एकीकृत समाजवादीका मेटमणि चौधरी रहेका छन् ।