नेपाली कांग्रेसको १४ औं महाधिवेशन अन्तर्गत प्रधानमन्त्री एवं वर्तमान सभापति शेरबहादुर देउवाले मतदान गरेका छन् ।
राष्ट्रियसभा गृहमा सोमबार मध्यान्ह मतदान केन्द्र पुगेर देउवाले मतदान गरेका हुन् ।
त्यस्तै सभापतिमा उम्मेद्वारी दिएका डा शशांक कोइरालाले पनि मतदान गरेका छन् ।
कांग्रेस केन्द्रीय निर्वाचन समितिको कार्यतालिका अनुरुप सोमबार बिहान ८ बजेदेखि शुरु हुने भनिएको मतदा झण्डै साढे ३ घण्टा ढिला गरी मतदान शुरु भएको थियो ।
