काठमाडौं : जनता समाजवादी पार्टी औपचारिक रुपमा फुटेको छ । महन्थ ठाकुर समुहले जनता समाजवादी पार्टी लोकतान्त्रिक नाममा नयाँ दल निर्वाचन आयोगमा दर्ता गर्न निवेदन दिएका छन् ।
२४ जना कार्यकारिणी सदस्यको हस्ताक्षर सहित महन्थ समुहले आयोगमा निवेदन दिएको हाे । दल दर्ता गरी साइकल चुनाव चिन्ह समेत माग गरिएकाे छ ।
आफूहरुको पक्षमा १५ जना सांसद रहेको सो समुहका नेता राजेन्द्र महतोले जानकारी दिए ।
उता नेकपा एमालेको माधव नेपाल समूहले पनि नयाँ दल दर्ताका लागि आयोगमा निवेदन दिएको छ । नयाँ पार्टीको नाम नेकपा एमाले ‘समाजवादी’ राखिएको छ ।
